Podcast: Download (Duration: 8:08 — 9.8MB)
PANALANGIN NG BAYAN
Ika-28 Linggo sa Karaniwang Panahon
Huwebes
Hilingin natin sa Panginoon na maging makatotohanan tayo sa ating mga gawain.
Panginoon, dinggin mo ang aming panalangin.
o kaya
Panginoon, gawin mong totoo ang aming puso sa iyo.
Sa ating buhay bilang bahagi ng Bayan ng Diyos, nawa’y magampanan natin ang mga hamon ng Ebanghelyo sa ating palagiang pagsaksi, manalangin tayo sa Panginoon.
Atin nawang maiwasang gawin ang mga bagay na nakikiayon o pagpapakitanto lamang, manalangin tayo sa Panginoon.
Yaong mga pinanghihinaan ng loob dahil sa ating hindi naging magandang ugali at pakikitungo nawa’y manumbalik sa pagsisimba sa pamamagitan ng ating pagbabalik-loob at pagbabagumbuhay, manalangin tayo sa Panginoon.
Ang mga maysakit nawa’y makita ang mapagpagaling na kamay ng Diyos sa dinaranas nilang mga pagsubok at paghihirap, manalangin tayo sa Panginoon.
Ang mga yumao na sa buhay na ito nawa’y tanggapin sa walang hanggang kaluwalhatian, manalangin tayo sa Panginoon.
Ama, tulungan mo kaming sumamba sa iyo nang may totoong puso upang makalapit kami sa iyo sa espiritu at katotohanan. Hinihiling namin ito sa pamamagitan ni Kristong aming Panginoon. Amen.
Pages: 1 2
« Miyerkules, Oktubre 16, 2024
Biyernes, Oktubre 18, 2024 »
{ 3 comments… read them below or add one }
PAGNINILAY: Ang Unang Pagbasa ngayon ay ang magandang pahayag ni San Pablo sa mga taga-Efeso tungkol sa kaligtasan ng Diyos. Ito’y dahil sa Kamatayan sa Krus at Muling Pagkabuhay ng ating Panginoong Hesukristo. Dahil sa kanyang pag-aalay ng buhay sa pagdanak ng Dugo, tayo ay biniyayaan ng pagpapala ng pagpapatawad at gantimpala ng mga grasya ng Ama. Dahil dito, tayong lahat ay magkaroon ng pagkakaisa, kapayapaan, at pagmamahal sa isa’t isa, katulad ng malugod na pagbati ni San Pablo sa mga Kristiyanong komunidad ng Efeso.
Tinapos na ni Hesus ang kanyang panunuligsa sa mga Pariseo at eskriba. Nitong mga nakaraang araw, narinig natin kung paano niyang pinunto ang pagkakamali ng mga grupong iyon, pati na ang kanilang mataas na pagtingin sa sarili at mababang pagtingin sa kanilang kapwang Hudyo. Ngayon ay hindi natuwa si Hesus sa kanilang pagtatayo ng mga alaala ng mga propeta ng Diyos. Ito’y dahil ang kanilang mga ninuno ang pumapatay at nang-uusig sa mga propeta, na tila nga ba’y sang-ayon sila sa ginawa ng mga nakaraang henerasyon nila. Tinuligsa rin ng Panginoon ang mga dalubhasa ng Kautusan sa pag-alis ng susi ng karunungan mula sa kanilang mga tahanan upang pigilan ang sinumang nais pumasok. Kaya noong umalis si Hesus sa kanyang pinagtutuluyan, ang mga relihiyosong grupo ay naghahanap ng butas upang maisahan nila ang Panginoon.
Makikita natin kung ano klaseng pag-uugali mayroon ang mga kaaway ni Hesus na kabilang pa sa relihiyosong sektor ng kanilang lipunan. Ang mga ganyang klaseng pag-uugali ay nagpapakita ng pagkukunwari. Ang pagkukunwari o hipokrisiya ay nagmumukhang mabait ang ilang tao sa labas, ngunit lumalabas na malala ang masamang ugali sa loob. Kaya ito ang nais bigyang pansin ni Kristo na sana ay iwasan natin sa ating pang-araw-araw na buhay. Tayong lahat ay inaanyayahang mabuhay nang naayon sa kalooban ng Diyos at gawin ang mga bagay na hinding magpapahamak, kundi makabubuti sa ating kapwa.
Isang Mapagpalang umagang sa ating lahat..
Nawa sa biyaya ng DIOS ay gabayan tayo at tulongang mamuhay ayon sa kanyang kalooban. Tulad sa ating ebenghelyo nais ng DIOS Na mamuhay NG tapat at makataong pakikitungo sa isat isa..
Tinuliksa ni JESUS ANG MGA DALUBHASA SA KASULATAN AT KAUTUSAN sapagkat talihis ang kanilang pamumuhay.. Tinakpan ang pintuan sa katutuhanan at pati ang mga nais pumasok sa pintuang ito at kanilang hinadlangan..sa buhay dito sa mundo naganap rin ang ibat ibang crimen dahil sa paghangad ng sariling katanyagan. Nakalimutan na ang mga bagay na masmahalaga. Kaya nakakalungkot isipin. Ngunit ang DIOS nanatili ang kanyang habag. Siya nagpapatawad sa mga taong MAGBALIK loob.. Gaano man kalaki ang ating mga kasalanan .ginising tayo ng DIOS Upang hwag sapitin ang parusang nakalaan na noon paman. Talikdan na natin ang mapagmapuri sasariling katanyagan. Hwag nating tularan ang mga pariseo at mga Eskriba bagkos kung anu ang inihayag batay sa mabuting balita ang siyang pagyamanin.. At laging magpasalamat sa DIOS sa lahat NG pagkakataon. Sapagkat sa Kanya lamang matatagpuan ang tunay na kapayapaan Amen.
Manalangin tayo :
Panginoong JESUS maraming salamat po sa mga minsahi mo Araw2. Nawa sa pamamagitan nito magising kami sa katutuhanan at hwag manatili sa makamundong hangarin. Bagkos ang makalangit ang siyang pagsumikapang gawin.. At ang pqg-ibig mo ang siyang maghari sa aming mga Puso Amen
Magandang araw sa lahat at maraming salamat sa ating Panginoong Hesus. Iasang biyaya na naman an gating natamo sa kaloob niyang buhay sa ating lahat.
Harinawa patuloy ang kanyang mga gabay ng maayos na pamumuhay ayon sa kanyang mga alituntunin.
Kapatid an gating Panginoon ay mahabagin ngunit kailangan nati talikuran ang kasamaan at mamahay ng pantay pantay. Sino man ang mapag malaki at mapag mataas at wala ng kinikilala kunf\di ang kanyang kayamanan at kapangyarihan tiyak sa oras ng paghukom sila ay di makaligtas sa parusa ng Diyos
Matutunan natin magpatawad, magpagkumbaba, mapagmahal, magalang sa mga magulang / nakakatanda at sa kapwa, na siyang kasiyahan ng Panginoon na maari niya tayong kalooban ng kaginhawaan at tangap tayo sa kanyang kaharian. Maging mabuting halimbawa at taga sunod ni Hesus Kristo.
Panginoong Hesus maraming salamat po sa mga pagpapala at lagi kaming nakasubay sa iyong mga nais.
Salamat sa Diyos