Podcast: Download (Duration: 7:24 — 9.2MB)
PANALANGIN NG BAYAN
Ika-23 Linggo sa Karaniwang Panahon
Biyernes
Sa pamamagitan ng kanyang salita at gawa, tinuruan tayo ni Jesus ng mahabaging pagpapatawad ng Ama na naglalayong magligtas at hindi pumuksa. Masundan nawa natin ang kanyang halimbawa habang nananalangin tayo sa Ama.
Panginoon, dinggin Mo ang aming panalangin.
o kaya
Aming Ama, matulad nawa kami sa Iyo.
Ang Simbahan nawa’y piliin ang daan tungo sa pagpapatawad, katarungan, katotohanan, at pag-ibig, manalangin tayo sa Panginoon.
Ang tapat at maliliit na mamamayan nawa’y hindi mailigaw ng mga di-tunay at mga ambisyosong pinuno, manalangin tayo sa Panginoon.
Atin nawang mapigilan at mahinto ang paghusga sa ating kapwa dahil sa kanilang kahinaan at pagkukulang, manalangin tayo sa Panginoon.
Ang mga maysakit nawa’y makadama ng mapagpatawad na pag-ibig at pagpapagaling ng ating Panginoon, manalangin tayo sa Panginoon.
Ang mga pumanaw nawa’y tumanggap ng habag sa harap ng luklukang hukuman ng Diyos, manalangin tayo sa Panginoon.
Panginoon, buksan mo ang mga mata ng lahat ng tao na nawalay na sa landas ng buhay. Sa iyong biyaya, akayin mo kaming pabalik sa iyo na nagmamahal sa lahat. Hinihiling namin ito sa ngalan ni Kristong aming Panginoon. Amen.
Pages: 1 2
« Huwebes, Setyembre 12, 2024
Sabado, Setyembre 14, 2024 »
{ 4 comments… read them below or add one }
Pagninilay: Ang Unang Pagbasa ay ang takbo ng misyon ni San Pablo sa kanyang pangangaral ng Mabuting Balita ni Kristo. Ito ang layunin ng Apostol sa kanyang pagpapahayag hindi para sa kanyang pansariling interes, kundi para sa kaluwalhatian ng Panginoong Diyos. Kahit siya’y nakakaranas ng pangkaraniwang buhay ng tao, hindi siya naging alipin sa kalakaran ng mundo. Bagkus tinakbo niya ito na parang isang atleta na nais tapusin ang karera hindi para sa koronang nabubulok, kundi para sa korona ng buhay na walang hanggan. Kaya ang misyon ni San Pablo sa pagpapangaral ng Mabuting Balita ay maging tagumpay na patuloy na ipahayag ang mensahe ng Diyos para ang lahat ay makamtan ng kaligayahan ng buhay na walang hanggan sa kalangitan.
Ang Ebanghelyo ngayon ay ang pangangaral ni Hesus sa maraming tao sa isang kapatagan. Ang turo niya ngayon ay tungkol sa isang mabuting relasyon sa isa’t isa. Sinasabi ng Panginoon na hindi maaring iakay ng bulag ang isa pang bulag dahil kapwa ay mahuhulog sa bangin. Ito ay tumutukoy tungkol sa ating pagkilala sa pagkatao ng isa’t isa. Hindi natin maaring sabihin sa isang tao na bulag sa kanyang kasinungalingan kung tayo rin mismo ay nabubulag sa ating sariling kahinaan. Madalas pinag-iinitan natin ang kamalian ng kapwa natin, na hindi rin natin tinitignan ang ating sariling kamalian. Kaya sinasabi rin ng Panginoon na tanggalin natin ang puwing sa ating mata bago nating tanggalin ang puwing sa mata ng kapwa natin. Kapag kinikilingan natin ang ating sariling opinyon ukol sa ibang tao na walang pagsusuri, halos di natin nakilala ang tunay na kalooban ng bawat isa. Kaya kailangan natin ng bukas na isip upang unawaan ang sitwasyon ng ibang tao, at ganun rin ang kaliwanagan upang ipakita natin ang tunay nating anyo sa pagiging mapagmahal, maawain, at matuwid.
Ang punto ng ating mga pagbasa ngayon ay tungkol sa pagkakaroon ng makabuluhang buhay sa mundong ito. Katulad ni San Pablo, patuloy tayo sa pagtupad ng misyon na itinakda ng Diyos para ating gawin. At nawa maisabuhay natin ang mga salita ni Hesus na tayo ay magkaisa at magkaroon ng mabuting relasyon sa pamamagitan ng pagpapahalaga ng mga aral na ibinigay niya sa atin.
MAGNILAY: Natural na magalit sa kaaway at nanakit sa atin. Ngunit kung hahayaan ang galit na lumala sa puso at magdikta ng kilos natin sarili na natin ang mananakit sa sarili natin. Tulad tayo ng ahas na dahil sa galit tinuklaw ang sarili nang hindi namamalayan.
May mas matinong tugon kaysa galit. Sugpuin ang galit ng pagmamahal. Sa una, mukha kang lugi. Sa una parang hindi makatotohanan. Sa una parang imposible. Ngunit kung pipiliin nating umangat mula sa nakakaparalisang galit matutuklasan nating kaya pala nating makagawa ng isang bagay na magbibigay-daan para mas respetuhin natin ang ating sarili. Kaya pala nating lagpasan ang galit. Hindi pala ang galit ang pinakamatino at pinakalohikal na tugon sa kaaway. Hindi pala ito ang pinakamagaling at pinakamabungang opsyon kundi pang-unawa, pagpapatawad, pakikipagkasundo at sa huli, pagmamahal. Kapag natuto kang mahalin ang kaaway nanalo ka at natalo mo ang iyong kaaway.
Ang kakayanan nating mahalin ang kaaway ay nanggagaling sa karanasan natin ng pagpapatawad at pagmamahal ng Diyos. Mahirap at imposibleng mahalin ang kaaway nang hindi nagmumula sa karanasan ng pagmamahal ng Diyos. Ang Diyos kapag nagmahal nag-uumapaw. Ang puso nating umaapaw sa pag-ibig ng Diyos ay dumadaloy maging sa mga taong sinaktan tayo. Sabi nga sisiw lang ang patawarin at mahalin ang kaaway kung naranasan mo ang nag-uumapaw na pagmamahal ng Diyos sa iyo.
MANALANGIN: Panginoon, lusawin nawa ng pag-ibig mo ang galit sa puso ko.
GAWIN: Buksan mo ang puso mo para sa pag-ibig ng Diyos at palayain mo na ang sarili mo sa galit at muhi.
PAGNINILAY:
Gaano tayo mapanghusga sa iba habang nananatiling masaya na kalimutan ang ating sariling mga kabulagan. Sinasabi ni Hesus na ito ay isang tanda ng pagkukunwari upang tawagin ang iba ng maamang tatak at pangalan: matigas, maramot, mayabang, mababang antas, hindi nakapag-aral, atbp habang nagpipinta tayo ng mga banal na larawan ng ating sarili. Ang mga ito at higit pang paghatol ay kadalasang lubhang nakakalason sa pag-ibig at pagkakasundo. Walang sinuman ang nagnanais ng isang taong patuloy na kumundena o naghahanap ng mali. Si Hesus ay nagbigay ng praktikal na gabay sa ating espirituwal na paglago. Ang tanging daan tungo sa kapayapaan ay ang bawasan ang dami ng paghatol sa ating buhay at ipinid ang ating mga labi kapag natutukso na maghatol sa iba. Ito ay hahantong sa isang mas malalim na kaalaman sa ating sarili at higit na habag para sa iba, dahil dito ay malalaman natin na bilang tao, tayo ay higit na magkatulad kaysa magkaiba sa ating mga kabulagan sa sarili.
Panginoong Hesus, buksan Mo ang aming mga mata sa aming sariling mga kamalian upang hindi kami humatol sa mga pagkukulang ng iba.? Amen.
***
PAGNINILAY:
Gaano tayo mapanghusga sa iba habang nananatiling masaya na kalimutan ang ating sariling mga kabulagan. Sinasabi ni Hesus na ito ay isang tanda ng pagkukunwari upang tawagin ang iba ng maamang tatak at pangalan: matigas, maramot, mayabang, mababang antas, hindi nakapag-aral, atbp habang nagpipinta tayo ng mga banal na larawan ng ating sarili. Ang mga ito at higit pang paghatol ay kadalasang lubhang nakakalason sa pag-ibig at pagkakasundo. Walang sinuman ang nagnanais ng isang taong patuloy na kumundena o naghahanap ng mali. Si Hesus ay nagbigay ng praktikal na gabay sa ating espirituwal na paglago. Ang tanging daan tungo sa kapayapaan ay ang bawasan ang dami ng paghatol sa ating buhay at ipinid ang ating mga labi kapag natutukso na maghatol sa iba. Ito ay hahantong sa isang mas malalim na kaalaman sa ating sarili at higit na habag para sa iba, dahil dito ay malalaman natin na bilang tao, tayo ay higit na magkatulad kaysa magkaiba sa ating mga kabulagan sa sarili.
Panginoong Hesus, buksan Mo ang aming mga mata sa aming sariling mga kamalian upang hindi kami humatol sa mga pagkukulang ng iba.? Amen.
***