Podcast: Download (Duration: 9:11 — 10.8MB)
PANALANGIN NG BAYAN
Ika-23 Linggo sa Karaniwang Panahon
Huwebes
Bumaling tayo sa Diyos Ama para sa tulong na ating kinakailangan upang sundin ang halimbawa ni Jesus na nagsasabi sa ating mahalin ang ating mga kaaway.
Panginoon, dinggin mo ang aming panalangin.
o kaya
Diyos ng pag-ibig, bigyan mo kami ng lakas.
Ang mga pinuno ng Simbahan nawa’y magbigay saksi sa kanyang sambayanan sa pamamaraan ng pagpapatawad, pag-ibig, at kapatawaran upang masalamin ang kabanalan ng Diyos sa daigdig, manalangin tayo sa Panginoon.
Yaong may galit at pait sa kanilang kapwa nawa’y mapagtanto na naghihiwalay lamang sa kanila sa Diyos ang pagsunod sa kanilang hinananakit at suklam, manalangin tayo sa Panginoon.
Ang mga pamilyang pinaghiwalay at nahati dahil sa kanilang kawalang-bahala sa isa’t isa nawa’y mapanumbalik ang dating pagkakasundo at alab ng samahan, manalangin tayo sa Panginoon.
Ang mga maysakit nawa’y magkaroon ng kapayapaan ng isip na lumalago sa pagpapahalaga nila sa kanilang natatanging bahagi ng pakikiisa kay Kristo sa kanyang pagpapakasakit, manalangin tayo sa Panginoon.
Ang mga yumao nawa’y makibahagi sa kapayapaan at kaligayahan ng Kaharian ng Diyos, manalangin tayo sa Panginoon.
Ama naming Diyos, alam mo kung ano ang mabuti para sa amin. Tanggalin mo nawa sa aming mga puso ang mga hinanakit at basbasan mo ang aming pagsusumikap na mahalin ang lahat ng aming kapwa. Hinihiling namin ito sa ngalan ni Kristong aming Panginoon. Amen.
Pages: 1 2
« Miyerkules, Setyembre 11, 2024
Biyernes, Setyembre 13, 2024 »
{ 5 comments… read them below or add one }
Pagninilay: Ang pagkakilanlan sa atin bilang mga Kristiyano ay dahil sa pag-ibig na ipinamalas ng Panginoong Diyos sa sanlibutan kahit laganap ang kasamaan. Ang Ebanghelyo ay isang mahabang pangangaral ni Hesus sa isang kapatagan sa harap ng napakaraming tao. Ang pinakapunto ng kanyang pangangaral ay tungkol sa relasyon ng tao sa isa’t isa. Isa sa kanyang mga pahayag ay ang pagmamahal sa mga kaaway at pagdarasal sa mga nang-uusig. Tila nga bang mahirap na mahalin ang mga taong may atraso laban sa iyo. Alam po natin na masakit sa ating damdamin na paulit-ulit tayong sasaktan ng iilang tao kahit ilang beses na silang nagkasala at naghingi ng kapatawaran. Ngunit ang nais ipaalala sa atin ng Panginoon ay ang mas malalim na pagtingin natin sa kasalanan. Ika nga ng isang kasabihan: “Hate the sin, but not the sinner.” Tumpak ito’y patungkol sa hinding mabilis na paghahatol sa isang indibiduwal. Ngunit kailangang bigyan-pansin ang “hate the sin” sapagkat inaanyayahan tayo ng Panginoon ang Fraternal Correction upang itaguyod natin ang diwa ng isang Kristiyano, ang pag-ibig ng Diyos. Sa huli, hinihikayat tayo ni Kristo na isabuhay itong pahayag na naging tema ng Hubileyo ng Awa (2016): “Maging maawain katulad ng Ama” (Lucas 6:36). Ang pagiging mahabagin ay katumbas sa pagiging “perpekto” ayon kay San Mateo 5:48. Mahirap maging perpekto dahil inaamin nating tayo’y tao lamang na nagkakasala. Ngunit ang pagiging perpekto at maawain ayon sa pamantayan ni Hesukristo ay isang hamon sa kabanalan. Tayo’y nilikha sa imahe at kaanyuhan ng Ama upang tayo’y maging katulad niya na banal at matapat ang pamumuhay. Patuloy natin isabuhay ang kabutihang-loob ng ating mga puso sa kabila ng lahat ng mga pagkakasalang nakakalat sa ating mga paligid. Nawa’y patuloy natin patatagin ang ating relasyon sa Diyos at sa ating kapwa.
Salamat Po Panginoong Hesukristo Sapagkat Tinuruan Po Ninyo Kaming Aming Bukas Palad. Amen
PAGNINILAY
Ang awa ng Diyos ang idiniin sa halip na ang pagiging perpekto ng Diyos. Tayo bilang mga tagasunod ni Hesus ay mga anak ng isang mabait at mapagpatawad na Diyos kung kaya’t dapat nating tularan ang ating banal na Magulang sa Kanilang mapagmahal na kabaitan sa iba. Kung paanong pinatawad ng Diyos ang ating mga kasalanan, bilang mga tagasunod ni Hesus, dapat nating patawarin ang mga kasalanan ng iba. Sinabi ni San Agustin, “Ang pagpapatawad ay may dalawang anak na babae: Katarungan at Habag”. Nawa’y sundin natin ang Ginintuang Alituntunin upang tratuhin ang iba. Nawa’y gumugol tayo ng panahon sa pagninilay-nilay kung gaano kaawain ang Diyos sa atin, kahit na tayo ay ‘walang utang na loob at masama’. Iyon ay magpapahinto sa atin bago husgahan at kondenahin ang ating mga ‘kaaway’.
Panginoong Hesus, alang-alang sa Iyong namimighating pagdurusa, maawa Ka sa amin, mga makasalanan. Amen.
***
PINUPURI KA NAMIN PANGINOON JESUS KRISTO ALLELUIA ALLELUIA!
May magagawa ang Diyos.
Kung tayo’y magtatapat at maglilingkod.
Diringgin ng Diyos ang samo natin.
Magpatawad tulad ng pagpatawad ng Diyos na utos sa atin.
Mahirap sundin pero pilitin at gawin natin unti-unti.
Tutulungan nya tayo,sapat ang tulong na ibibigay sa atin ni Kristo.
Walang impossible sa ngalan ng Panginoon.
God is good all the time.
All the time God is good.
Amen.