Podcast: Download (Duration: 9:59 — 11.5MB)
PANALANGIN NG BAYAN
Ika-20 Linggo sa Karaniwang Panahon
Miyerkules
Ang pamamaraan ng Diyos ay hindi tulad ng sa atin. Dahil ang kanyang katurungan at kagandahang-loob ay higit pa sa ating turing at sukat, lumapit tayo sa kanya habang nananalig na pakikinggan niya tayo at hindi bibiguin.
Panginoon, dinggin Mo ang aming panalangin.
o kaya
Ama, sumaamin nawa ang Iyong kagandahang-loob.
Ang Simbahan, sa pamamagitan ng kanyang mga misyonero at tagapagpahayag, nawa’y maipalaganap ang Ebanghelyo ng Panginoon nang may katapangan at patitiyaga, manalangin tayo sa Panginoon.
Tayo nawa’y makapaglingkod sa Panginoon at sa isa’t isa nang walang hinihintay na merito at gantimpala, at sa halip gawin lamang ito nang may kabutihan mula sa ating mga puso, manalangin tayo sa Panginoon.
Ang mga walang trabaho nawa’y dagling makatagpo ng kanilang hanapbuhay, manalangin tayo sa Panginoon.
Ang mga maysakit at mga nagdurusa nawa’y masiyahan sa kalinga at unawa ng kanilang pamilya at mga kaibigan, manalangin tayo sa Panginoon.
Ang mga nagtiyagang mamuhay nang mabuti sa mundong ito at namayapa nawa’y makatanggap ng gantimpala sa makalangit na Kaharian ng Diyos, manalangin tayo sa Panginoon.
Panginoon naming Diyos, mapagkumbaba kaming naglilingkod sa iyo sa abot ng aming makakaya nang walang hinihiling kapalt. Naniniwala kami na nasa piling ka namin at binibiyayaan mo kami ng mabubuting bagay dahil sa iyong Ama na si Jesus, aming Panginoon. Amen.
Pages: 1 2
« Martes, Agosto 20, 2024
Huwebes, Agosto 22, 2024 »
{ 5 comments… read them below or add one }
The workers in the Lord’s vineyard
The kingdom of heaven is said to be like a householder who hired workmen to cultivate his vineyard. Who better can we take to be the householder than our Creator, who rules over those he created, and governs his elect in the world in the same way as a master does those subject to him in his house? He has a vineyard, that is to say the universal Church, which has brought forth many saints as so many branches, from righteous Abel up to the last of the elect who will be born at the end of the world.
The householder hired workmen to cultivate his vineyard, in the morning, and at the third, sixth, ninth and eleventh hours, since preachers do not cease to preach for the instruction of the faithful from the beginning of this world up to its end. The morning indeed was from Adam to the time of Noah, the third hour from the time of Noah to the time of Abraham, the sixth from the time of Abraham to the time of Moses, the ninth from the time of Moses to the coming of the Lord; and the eleventh is from the coming of the Lord to the end of the world. In this period the holy apostles, who received a full reward even though they came late, have been sent as preachers.
At no time, then, did the Lord cease sending his people workmen to instruct them, to cultivate his vineyard, as it were? When he first cultivated his people through the patriarchs, and later through the teachers of the law, and then through the prophets, and at last through the apostles, he labored at the cultivation of his vineyard as if by his workmen. Everyone, though, who had the right faith with good works, in whatever capacity or measure, was a workman in his vineyard.
PAGNINILAY:
Isang mapagpalang Miyerkules po sa ating lahat! Ang Panginoon ay mapagbigay sa lahat. Ang pagpapasweldo sa ating lahat ay ang alay Niya sa atin na buhay na walang hanggan. Ang mga trabahador naman ay tayo. May iba sa atin, mula umpisa pa lang ay malapit na sa Diyos. May iba naman sa gitna ng kanilang buhay. May iba naman sa bandang hulihan na. Subalit basta’t magsisi, at tumalikod sa kasalanan ay maari pa ring maligtas ng Diyos. Ganito ang Kanyang awa at habag. Handang maghintay ang Panginoon sa atin kahit habang buhay. Ang aral lamang dito, bagamat makukuha pa rin natin ang buhay na walang hanggan kung magsisi sa huli, bakit hindi pa ngayon? Bakit hindi pa tayo tumalikod sa mga bagay na dapat talikuran ngayon?
Nang sa gayon, maging masaya tayo na naging mabunga ang ating buhay dahil naging makabuluhan ito sa piling ng Diyos. At masasabi nating hindi ito naaksaya nang lubusan sa mga makamundong bagay o nasa na madaling mauubos at hindi nagtatagal. Nasa atin ang desisyon, habang ngayon na may oras at panahon pa tayo. Nawa ay biyayaan tayo ng liwanag at pang-unawa ng Diyos upang magawa natin at mabitawan ang anumang hindi na karapat-dapat sa ating buhay. Amen.
Credit to DCFVanguards
Ang talinhaga ng Mga Manggagawa sa Ubasan sa Ebanghelyo sa araw na ito ay isang reflection ng iba’t ibang klaseng tao mayroon ang bawat mananampalataya na tinawag ng Diyos sa kanya kanyang oras at panahon. Ang ubasan ay ang kaharian at ang tumawag sa manggagawa ay ang Diyos. Iyung mga naunang tapat na manggagawa ay ang mga tumanggap at tumugon ng maaga upang maglingkod sa Diyos, at yung mga huling tinawag ng may-ari ng ubusan sila yung mga huling nakatanggap ng biyayang sumunod hanggang sa katapusan ng araw ng paglilingkod sa Diyos.
Kung isasalin ang kwento sa Mabuting Balita ito ay paglalarawan ng isang realidad na pwedeng tawaging isyu ng mga naglilingkod sa simbahan. Minsan makikita natin sa mga manang/manong sa atin mga parokya ang superiority na kung saan naririnig na matagal na silang mga lingkod at natural lamang na may ibang tratamento sa kanila ang kura at dapat mas higit ang nakukuha nilang mga konsolasyon at pribelihiyo dahil mayroon na silang mga pinatunayan sa larangan ng paglilingkod na komo sila ay laging nandyan para makatulong ni father sa mga gawaing pastoral at iba pa. Ang katotohanan nangyayari naman talaga ito sapagkat silang mga naunang tumanggap ng biyayang maglingkod sila ito ang laging pinagkakatiwalaan siguro dahil na din sa kanilang mga magagandang track record.
Itinuturo sa Ebanghelyo na ang pamantayan ng tao ay malayo at magkaiba sa pamantayan ng Diyos sapagkat ang tiningnan dito ay hindi sa kung ano haba ng panahon na naglingkod kundi nasa grasya at pagpapala ng Diyos ang mananaig. Nasa Kanyang kamay lamang ang mga pagpapasya. Kung kaya nga sinasabi na “May mauuna na mahuhuli sa kaharian”. Ang mahalagang aral na pwedeng panghawakan una, wala sa mga kamay natin ang pagpapasya sa bawat gusto natin asamin sa buhay. Makontento at maging masaya tayo sa kung ano mayroon at laging ipagpasalamat ito sa Diyos. Maiiwasan natin ang pagka-inggit sa kung ano mayroon ang iba kung laging iisipin kung sa anong paraan makapaglingkod. Laging tumingin at tanungin ang sarili sa kung anong paraan lagi makapag-alay ng sarili para sa kapwa. Sa ganitong kaisipan malalaman kung tayo nga ay pinaghaharian na ng Diyos.
Sa panghuli, laging isipin na tangi Diyos lamang ang may karapatan magkaloob ng mga biyaya at ito ay iginagawad sa atin ng pantay pantay. Bilang pagbabalik-loob, sa bawat ginagawa nating kabutihan sa kapwa ito ay ginawa natin para sa Kanyang dakilang kapurihan. Kung kaya pag tayo ay may ginawang kabutihan sa kapwa ito ay ginawa ng Diyos hindi dahil sa tayo ay mabuti kundi dahil sa kabutihan ng Diyos sa atin.
Maging huwaran nawa tayong manggagawa sa ubasan ng Diyos.
PAGNINILAY
Ang inggit ay masasabing pinakamalason sa mga nakamamatay na kasalanan. Hindi lamang kinasusuklaman ng mga naiinggit ang iba para sa kung ano ang mayroon sila, ngunit kinasusuklaman nila ang kanilang sarili dahil sa wala nito. Lahat tayo ay katrabaho sa ubasan ng Diyos. Makatitiyak tayong bawat isa na haharapin Niya tayo hindi lamang ng makatarungan kundi
bukas-palad sa atin. Ang may-ari ng ubasan, sa kanyang awa, ay gumanti ng pantay sa lahat. May mga pagkakataon ba na makasarili nating itinuturing ang ating sarili na mas karapat-dapat kaysa sa iba? Hilingin natin sa Panginoon na patawarin tayo sa ating mga saloobing nagseselos at tulungan tayong magpasalamat sa kung ano ang mayroon tayo at huwag manghinayang sa iba sa anumang magandang kapalarang darating sa kanila. Hilingin natin sa Kanya na tulungan tayo na maging bukas-palad sa ating pakikitungo sa iba at huwag isipin ang ating sarili bilang mas karapat-dapat.
Panginoong Hesus, tulungan Mo kaming tularan ang Iyong halimbawa ng pagiging bukas-palad sa lahat. Amen.
***
Maganda Ang aral ng evanghelyo ngaun araw. Ang ubasan kaharian ng Dios ay para sa lahat ng MGA sumusunod sa kautusan at totoong nagmamahal sa Dios . Kung meron man nauna sa atin naimbitahan ng Dios sa kanyang ubasan ay huwag sana isipin na mas malaki Ang kanilang gantimpala o mas mahal sila ng Dios. Nauna man sila pero parepareho Ang pagmamahal ng Dios sa MGA nauna o nahuli. Huwag natin ipagmalaki ito bagkus gawin natin mabuti Ang kautusan ng Dios para maging isang huwaran sa iba. Iwasan Ang inggit sapagkat lason ito sumisira sa ating isipan a pakikipagrelasyun sa ating kapwa. .