Podcast: Download (Duration: 6:33 — 4.7MB)
PANALANGIN NG BAYAN
Abril 25
San Marcos, Ebanghelista
Ipinahayag ni San Marcos ang Mabuting Balita ng tunay na Mesiyas, si Jesus na Kristo. Hilingin natin sa Ama na dinggin ang ating mga kahilingan para sa isang mundong nangangailangan ng pag-asang hatid ng Ebanghelyo.
Panginoon, dinggin Mo ang aming panalangin.
o kaya
Maranasan nawa namin ang kabutihan Mo, Panginoon.
Ang Simbahan nawa’y maging isang buhay na tanda ng tunay na malasakit at tapat na pangangalaga sa mga itinatakwil ng ating lipunan, manalangin tayo sa Panginoon.
Ang mga lumihis sa matuwid na landas nawa’y marinig ang tinig ni Kristo, ang Mabuting Pastol, na tumatawag sa kanila para magbalik sa kanyang kawan, manalangin tayo sa Panginoon.
Ang mga kabataan nawa’y marinig ang tinig ng Panginoon na nananawagan sa kanila sa pagbabalik-loob at sa isang buhay na nakatalaga sa paglilingkod, manalangin tayo sa Panginoon.
Ang lahat ng nagdurusa o may karamdaman nawa’y makaunawa na mahal sila ng Diyos sa pamamagitan ng pangangalaga at pansin na ibinibigay natin sa kanila, manalangin tayo sa Panginoon.
Ang mga yumao nawa’y makapasok sa pintuan ng kulungan ng mga tupa at magdiwang na kasama ng pastol at gabay ng kanilang mga kaluluwa, manalangin tayo sa Panginoon.
Makapangyarihang Diyos, sa tulong ng mga panalangin ni San Marcos, tapat na ebanghelista, inilalapit namin sa iyo ang aming mga kahilingan sa pamamagitan ni Kristo na aming Panginoon. Amen.
Pages: 1 2
« Miyerkules, Abril 24, 2024
Biyernes, Abril 26, 2024 »
{ 4 comments… read them below or add one }
PAGNINILAY: Ngayon ay ang Kapistahan ng Ebanghelistang si San Marcos. Sa 4 na mga manunulat ng Mabuting Balita, si San Marcos ang pinakaikli at ang pinakaunang sumulat tungkol sa talambuhay ng ating Panginoong Hesukristo. Tinatapos niya ang kanyang Ebanghelyo sa pamamagitan ng pag-atas ni Hesukristo sa mga Apostol na humayo at ipahayag ang Mabuting Balita sa bawat nilalang. Lahat ng ipinangaral at ginawa ni Hesus ay kanilang ipapatuloy mula sa Jerusalem hanggang sa pinakadulong bahagi ng daigdig.
At isa na rito na nakibahagi sa misyon ng mga Apostol ay si San Marcos. Naging malapit siya at ang kanyang pamilya kay San Pedro, at isa siya sa mga disipulong nanalangin upang mapalaya ang Apostol mula sa bilangguan at banta ng kamatayan ng hari. Naging kasamahan din siya ni San Pablo sa paglalakbay nito upang ipangaral ang Mabuting Balita, kasama ang kanyang pinsang si San Bernabe. Nang siya’y nasa Roma, siya’y naging kalihim ni San Pedro. Taong 66 A.D. nang isinulat ni San Marcos ang kanyang Ebanghelyo kahit may pang-uusig na ipinautos si Emperador Nero laban sa mga Kristiyano sa siyudad. Ang pokus ng ebanghelista sa kanyang panunulat ay ang pagkilala ng mga tao kay Panginoong Hesus bilang isang maawaing Tagapagligtas. Kaya ang simbolo ni San Marcos ay isang leon sapagkat siya’y nagkaroon ng lakas na isalaysay ang mga itinuro at ginawa ng mahabaging Panginoon sa kabila ng banta ng pag-uusig ni Nero.
Nawa katulad ni San Marcos ay magkaroon tayo ng lakas at pananampalatayang ibahagi ang ating Panginoong Hesukristo sa lahat ng nilalang ng Diyos Ama.
Ano ang hamon ata aral ng ating ebanghelyo ngayon?
“ Humayo kayo sa buong sanlibutan at ipangaral ninyo amg Mabuting Balita”
Alam ba ninyo na lahat tayo ay pari? Tayo ay may tungkulin na magpalaganap ng Mabuting Balita. Paano? Nariyan ang tulong ng teknolohiya, sa social media na halos ang lahat ay nakatutok at gumugugol ng maraming oras. Maari rin sa personal na pakikipag usap, umpisahan mo ito sa miembro ng iyong pamilya, sa kamag anak, sa mga kaibigan o sa estranghero na nakakasaamuha natin. Maari mong ilapat ang mga natutuhan mo sa ebanghelyo na may kinalaman sa kasalukuyang sitwasyon ng taong kausap mo. Subalit nararapat na ikaw mismo ay kinakikitaan ng pagsunod sa kalooban ng Diyos. Kung hindi ay matatawag tayong mga mapag imbabaw o ipokrito.
Ang Mabuting Balita ay tinawag na mabuti sapagkat ang mga ito ay mismong nanggaling sa mga bibig ni Hesus. Mga mensaheng gagamitin natin sa pang araw araw na buhay. Mga talinghagang makapgliligtas sa atin. Mga kwento ni Hesus upang gawin nating gabay at hindi tayo maligaw ng landas. Mga pangungusap na makpangyarihan at magbibigay sa atin ng gantimpala.
Ano ang hamon at aral ng ating ebanghelyo ngayon?
“ Humayo kayo sa buong sanlibutan at ipangaral ninyo amg Mabuting Balita”
Alam ba ninyo na lahat tayo ay pari? Tayo ay may tungkulin na magpalaganap ng Mabuting Balita. Paano? Nariyan ang tulong ng teknolohiya, sa social media na halos ang lahat ay nakatutok at gumugugol ng maraming oras. Maari rin sa personal na pakikipag usap, umpisahan mo ito sa miyembro ng iyong pamilya, sa kamag anak, sa mga kaibigan o sa estranghero na nakakasalamuha natin. Maari mong ilapat ang mga natutuhan mo sa ebanghelyo na may kinalaman sa kasalukuyang sitwasyon ng taong kausap mo. Subalit nararapat na ikaw mismo ay kinakikitaan ng pagsunod sa kalooban ng Diyos. Kung hindi ay matatawag tayong mga mapag ibabaw o ipokrito.
Ang Mabuting Balita ay tinawag na mabuti sapagkat ang mga ito ay mismong nanggaling sa mga bibig ni Hesus. Mga mensaheng gagamitin natin sa pang araw araw na buhay. Mga talinghagang makapagliligtas sa atin. Mga kwento ni Hesus upang gawin nating gabay at hindi tayo maligaw ng landas. Mga pangungusap na makpangyarihan at magbibigay sa atin ng gantimpala.
ang mga apostol at iba pang mga disipulo ni Jesus na pinili ni Jesus mismo ay inatasan mismo ni Jesus na ipangaral ang Ebangelio sa buong daigdig.
kaya naman lahat ng binyagang Katoliko na si Jesus mismo ang tumawag upang maging simbahan Niya ay pinagkalooban upang maging bahagi sa misyon ni Jesus ng pagkapari, pagkapropeta, pagkahari.
napakahalaga ang atas na ito sa lahat ng nagpapasakop aa Kanyang Banal na Simbahan.
know that Jesus says na ang dumaan sa pintuan ng aking simbahan ay akin, ngunit ang hindi dumaan sa pintuan ay isang magnanakaw.
mahalagang unawain ito ng mga nagmimithing maka-isa ang ating Panginoong Jesus..
ipinapakita sa ating pagbasa at Ebangelio na ang lahat na tinawag Niya ay handang magtiis at manindigan sa kanilang pananampalataya.
mahalaga ang pagkakaisa, pagmamahalan ng mga mananampalataya.
tiyak na tatanggapin ang karangalan dito pa lamang sa buhay natin sa lupa.
kailangan ang lahat ay dumanas ng pagtitiis upang ang ating pananampalataya ay katulad sa isang ginto na dumaan sa apoy upang maging dalisay ang uri nito.
napakahalaga ang isang malalim at matatag na.paninindigan natin sa
ating napananampalataya bilang misyonero ng ating Panginoon Jesus.
umpisahan natin sa araw araw nating buhay- sa isip, sa salita at gawa tiyak susundan ito ng tanda, himala,at kababalaghan ng pangako ng ating Panginoong Jesus.
Amen!